Qrip virusu dünyanın bir çox ölkələrində bu xəstəliyin ağırlaşdığı onlarla insan dünyasını dəyişib. Heyvan mənşəli olan bu virusun hazırda ən yayılmış növü donuz qripidir. Gəlin görək bu xəstəlik haqda nə bilirik, əlamətləri və ondan qorunmaq yolları nədir. Qrip virusu insan üçün nə ilə təhlükəlidir, H1N1 virusuna yoluxmamaq üçün nə etməli?
Donuz qripinin əlamətləri aşağıdakılardır:
yüksək hərarət;
öskürək;
boğazda ağrı;
burun tutulması və ya axması;
baş ağrısı;
bədəndə ağrılar;
titrəmə;
halsızlıq;
bəzən ishal və qusma;
Donuz qripinə tutulduqda nə etməli?
Bu əlamətlərdən biri və ya bir neçəsinə rast gəlindikdə dərhal həkimə müraciət edilməlidir, mümkün olduğu qədər çölə çıxmaqdan və insanlarla kontaktdan çəkinilməlidir.
Evdən çıxmaq lazım gələrsə, mütləq maskalardan istifadə olunmalıdır. Öskürək və asqırma zamanı isə ağız və burunu dəsmalla tutmaq, əlləri tez-tez yumaq da vacibdir.
Donuz qripinin fəsadları:
Donuz qripinin ən geniş yayılmış fəsadlarından biri sətəlcəmdir. Bu zaman xəstənin vəziyyəti kəskin pisləşir və artıq bir sutkadan sonra nəfəsalmada ciddi çətinliklər yaranır. Məhz buna görə daha kəskin ağırlaşmaların baş verməməsi üçün həkimə tez bir zamanda müraciət olunması tövsiyə olunur.