Polşa hökuməti sentyabrın 1-də İkinci Dünya müharibəsinin başlanmasının 80-ci ildönümünü təntənə ilə qeyd edəcək.
ulusestv.az AZƏRTAC-a istinadən xəbər verir ki, bu barədə Polşa Prezidenti Dəftərxanasının rəhbəri Kşiştof Şerski PAP agentliyinə müsahibəsində bildirib.
Qeyd edilib ki, Varşavada keçiriləcək təntənəli mərasimə NATO, Avropa İttifaqı və Şərq Tərəfdaşlığına daxil ölkələrin başçıları dəvət olunacaq. Həmin ölkələr siyahısında Azərbaycan da var.
Onun sözlərinə görə, keçiriləcək silsilə tədbirlərin məqsədi sülhün, ölkələrin suverenlik hüquqlarının və ərazi bütövlüyünün toxunulmazlığının vacibliyinin beynəlxalq ictimaiyyətə bir daha çatdırılmasıdır.