Yaponiya hökuməti ölkənin sayca üçüncü prefekturasında quş qripinin yayılmasını qeydə alıb. Ulusestv.Az “Qafqazinfo”ya istinadən bildirir ki, bu barədə “Kyodo” agentliyi xəbər verib.
Qeyd olunur ki, xəstəliyin növbəti ocağı Yaponiyanın qərbindəki Hyoqo prefekturasının Avadzi şəhərində aşkarlanıb. Sanitar tədbirlər çərçivəsində prefektura rəhbərliyi yerli quşçuluq təsərrüfatındakı 146 minə yaxın toyuğu məhv etmək niyyətindədir.
Daha əvvəl Kaqava və Fukuoka prefekturalarında quş qripinin yayılması qeydə alınmışdı. Bununla əlaqədar olaraq, regionda ümumilikdə 1,2 milyondan çox toyuq məhv edilib.