Tədbir İşgəncələrə Qarşı Azərbaycan Komitəsinin sədri və səlahiyyətli şəxsi Elşad Həmidovun girş nitqi ilə açıq elan olundu. Qonaqlar arasında tanınmış yazar Dəmir Gədəbəyli, Qarabağ qaziləri Kamil Musavi, Ilkin Talibov və digər şəxslər də olublar.
Tədbirdə çıxış edən İşgəncələrə Qarşı Azərbaycan Komitəsinin sədri və səlahiyyətli şəxsi Elşad Həmidov xalqımızın tarixən yaşadığı faciələrdən danışıb. Elşad Həmidov bildirib ki, sovet dövründə bu tarix xalqımızdan gizli saxlanılıb: "Heydər Əliyev xalqımızın tarixini bilməli olduğunu qeyd edib və “31 mart Soyqırımı” günü kimi qeyd olunması ilə bağlı sərəncam imzalayıb.
Bu sərəncamdan sonra ölkəmizdə və xarici ölkələrdə tədbirlər keçirilir və xalqımızın başına gətirilən faciələr dünya ictimaiyyətinin diqqətinə çatdırılır.
Erməni millətçilərinin Azərbaycana qarşı ərazi iddialarını və təcavüz siyasətini, qanlı cinayətlərini dünya ictimaiyyətinə çatdırmaq, gələcək nəsillərin milli yaddaşını qorumaq və soyqırım qurbanlarının xatirəsini əbədiləşdirmək məqsədi ilə Azərbaycan Respublikası Prezidenti İlham Əliyev 30 dekabr 2009-cu il tarixli sərəncamı ilə Quba şəhərində "Soyqırım Memorial Kompleksi"nin yaradılmasına qərar verilib.
Heydər Əliyev Fondunun dəstəyi ilə Quba rayon mərkəzində Quba Soyqırımı Memorial Kompleksi açılıb.
Elşad Həmidov həmçinin qarşıdan gələn prezident seçkiləri ilə bağlı da fikrini bildirib və hər kəsi 11 apreldə seçki məntəqələrinə getməyi, cənab İlham Əliyevə səs verməyə səsləyib.
Sonra tədbir iştirakçıları, mövzü ətrafinda müzakirələr aparıblar.
Sonra, Qarabağ qaziləri ilə xatirə şəkilləri çəkdirilib.

Fərid Səfərov