Portuqaliya çempionatında XXI turun oyunları keçirilib.

Oxu.Az xəbər verir ki, millimizin üzvü Renat Dadaşovun formasını geyindiyi “Tondela” bu turda doğma meydanda “Benfika” ilə qarşılaşıb və 1:3 hesabı ilə uduzub.

Renat da bu görüşün iştirakçısı olub. O, 72-ci dəqiqədə meydana daxil olub. Dadaşov braziliyalı hücumçu Daniel dos Anjosu əvəzləyib.

Qeyd edək ki, “Tondela” 21 turdan sonra 20 xalla 18 komanda arasında 13-cü pillədə qərarlaşıb. İngiltərənin “Vulverhempton” klubuna məxsus olan Renat Dadaşov bu komandada icarə əsasında çıxış edir.