Bu gün İşgəncələr Qarşı Azərbaycan Komitəsi 8 may Şuşa şəhərinin işğalı ilə əlaqədar olaraq geniş tədbir keçirtdi.
Komitədən daxil olan məlumata əsasən giriş nitqi ilə İşgəncələr Qarşı Azərbaycan Komitəsinin mətbuat katibi Telman Mirzəyev çıxış edərək sözü İşgəncələr Qarşı Azərbaycan Komitəsinin sədri və səlahiyyətli şəxsi Elşad Həmidova verdi. Elşad Həmidov Şuşa şəhərində şəhid olan əsgər və zabitlərimizin, həmçinin soydaşlarımızın vəfatı ilə bağlı bir dəqiqəlik sükutla yad etdi. Sonra komitənin sədri Elşad Həmidov bildirdi ki, Azərbaycan dövləti tezliklə Ali Baş Komandan İlham Əliyevin göstərişi və əmri ilə işğal olunmuş torpalarımızı geri qaytaracağıq. O, bildirdi ki, Azərbaycan dövləti sarsılmazdı, dözümlüdür, əzmlidir. Azərbaycanın güclü ordusu var. Daha sonra komitənin üzvləri çıxış edərək torpaqlarımızn azadlığı uğrunda canlarından belə keçməyə hazır olduqlarını bildirdilər. Sonda şəhid olanalrın ruhuna dualar oxundu.
Şuşa şəhəri haqqında qısa məlumat: 1992-ci il mayın 8-də Ermənistan hərbi birləşmələri tərəfindən işğal edilən, 289 kvadrat kilometr ərazisi olan Şuşada həmin dövrdə 25 min nəfərədək əhali yaşayırdı.
Mayın 8-nə keçən gecə erməni silahlı birləşmələri Şuşa şəhərinin işğalı ilə bağlı əməliyyat keçirib. Şəhərin intensiv artilleriya zərbələrinə tutulması səhər saat 6-dək davam edib, bundan sonra düşmənin 1000-ə yaxın əsgəri üç tərəfdən Şuşaya hücum edib. Azərbaycanın bu qədim, zəngin tarixə və mədəniyyətə malik şəhərinin Ermənistan silahlı qüvvələri tərəfindən ələ keçirilməsi ilə Dağlıq Qarabağın işğalı başa çatdırılıb.
Şuşanın işğalı nəticəsində 480 günahsız vətəndaş qətlə yetirilib, 600 nəfər yaralanıb, 22 min insan öz yurdundan didərgin düşüb. Əsir götürülmüş 68 soydaşımızın taleyi barədə bu günə qədər məlumat yoxdur.
İşğal nəticəsində Şuşadakı bir sıra tarixi-mədəniyyət abidələri düşmən tərəfindən talan edilib. Bu siyahıya Xan və Qaxal mağaraları, Şuşa qalası da daxil olmaqla bütövlükdə 279 dini, tarixi və mədəni abidə daxildir.
Ermənilər Azərbaycana məxsus olan bir çox abidəni məhv edib və ya erməniləşdiriblər. Onlar Şuşada 7 məktəbəqədər uşaq müəssisəsini, 22 ümumtəhsil məktəbini, mədəni-maarif, kənd təsərrüfatı texnikumlarını, 8 mədəniyyət evini, 14 klubu, 20 kitabxananı, 2 kinoteatrı, 3 muzeyi, Şərq musiqi alətləri fabrikini dağıdıblar.
Beləliklə, Şuşanın işğal edilməsi nəticəsində Azərbaycanın 289 kvadrat kilometr ərazisi ermənilərin nəzarətinə keçib. tədbir iştirakçıları, mövzü ətrafinda müzakirələr aparıblar.
F.Faiqoğlu