Binə qəsəbə sakinləri ilə səyyar qəbul - görüş də maraqlı alındı
ulusestv.az saytı "Atatv.az" saytına istinadən xəbər verir ki, Novruz bayramı öncəsi Xəzər rayon İcra Hakimiyyətinin başçısı Elşən Salahovun Binə qəsəbə sakinləri ilə səyyar qəbul-görüşü keçirildi. Görüşdə rayonun millət vəkili Rauf Əliyev, icra başçısının müavinləri, Aparatın şöbə müdirləri və rayon üzrə fəaliyəət göstərən xidmət sahələrinin rəhbərləri də iştirak edirdilər.
Görüşü açıq elan edən icra başçısı Elşən Salahov öz çıxışında Azərbaycan Respublikasının prezidenti cənab İlham Əliyevin rəhbərliyi altında rayonda həyata keçirilən müxtəlif Dövlət proqramlarının uğurlu icrasından danışdı. Natiq bunun nəticəsində rayondakı abadlıq-quruculuq, yenidənqurma işlərinin daha da sürətlənməsini və rayon ərazisində əsaslı infrastruktur layihələrin həyata keçirildiyini xüsusi vurğuladı.
Sonra çıxış edən millət vəkili Rauf Əliyev də, qəsəbə sakinlərini bayram münasibətilə təbrik edərək, sakinlər tərəfindən səyyar görüşdə qaldırılan məsələlərin rayon icra hakimiyyəti ilə birlikdə həll olunması istiqamətində işlərin görüləcəyini və bəzi məsələlərlə bağlı isə, müvafiq qurumlara müraciət ediləcəyini bildirdi.
Maraqlı təkliflərlə zəngin olan bu səyyar görüşdə Binə sakinləri onları narahat edən məsələlərlə bağlı müraciətlərini də rəhbərliyə və millət vəkilinə çatdirdilar. Görüşdə sakinlərin qaldırdıqları məsələlərin həlli istiqamətində müəssisə və təşkilat rəhbərlərinə yerindəcə tapşırıqlar verildi.
Maraqlı keçən görüşdə qəsəbə sakinləri rayon ərazisində aparılan böyük abadlıq-quruculuq və yenidənqurma işlərinə görə, ölkə başçısına minnətdar olduqlarını bildirdilər.
Görüşün sonunda rayon rəhbəri Elşən Salahov və millət vəkili Rauf Əliyev qarşıdan gələn Novruz bayramı münasibətilə Binə qəsəbə sakinlərini səmimi qəlbdən təbrik etdilər.
Rəsafil BAYRAMOV,
atatv.az saytının Baş redaktoru.