Qubanın Tülər kəndinə yağan güclü yağış fəsadlara səbəb olub.
ulusestv.az Oxu.Az-a istinadən verdiyi xəbərə görə, kənd ərazisindən keçən Ağçay çayı üzərində tikilən keçid körpüsünü sel suları aparıb.
Quba rayon İcra Hakimiyyətinin Tüləkəran kənd inzibati ərazi dairəsi üzrə nümayəndəsi Elxan Məmmədhüseynovun verdiyi məlumata əsasən, kəndlə əlaqə kəsilməyib. Avtomobillər alternativ yoldan istifadə edərək rayon mərkəzinə gedib-gələ bilirlər:
“Güclü yağış səbəbindən çayda suyun səviyyəsi çoxalıb. Borulardan ibarət olan körpünü su aparıb. Lakin gediş-gəlişdə çətinlik yoxdur. Körpünün bərpası üçün suyun səviyyəsinin azalmasını gözləyirik”.