Daha 53 nəfərin isə yaralandığı bildirilir.

Konqo Demokratik Respublikasında naməlum silahlılar BMT Sabitlik Missiyasının (MONUSCO) bazasına hücum edib.

Ulusəs-ın RİA Novosti agentliyinə istinadən verdiyi xəbərə görə, insident Semuliki yaşayış məntəqəsində qeydə alınıb.

Hadisə nəticəsində 14 BMT sülhməramlısı və 5 Konqo hərbçisi həlak olub, 53 sülhməramlı yaralanıb.

Hücumun üsyançı “Birləşmiş demokratik qüvvələr” (ADF) qruplaşması tərəfindən törədildiyi ehtimal edilir.

Ölən və yaralanan sülhməramlıların vətəndaşlığı və milliyyəti barədə məlumat verilmir.