Kanal D-də yayımlanan məşhur “Sadakatsiz” serialının iki ulduzu koronavirusa yoluxub.
Ulusestv.Az “Qafqazinfo”ya istinadən xəbər verir ki, Melis Sezen (Derin) və Alp Akarda (Ali) “COVID-19” aşkarlanıb. Ev şəraitində müalicə olunan iki tanınmış simanın vəziyyətinin ağır olmadığı açıqlanıb.
Onların virusa yoluxması serial çəkilişlərinin dayandırılması ilə nəticələnib.
Serial bu həftə yayımlansa da, növbəti bölümün tamaşaçı qarşısına çıxıb-çıxmayacağı sual altındadır.
Qeyd edək ki, bir neçə gün əvvəl serialda Haluk obrazını canlandıran aktyor Burak Sergenin halı anidən pisləşib və o, reanimasiyaya yerləşdirilib.