Rusiyanın Bonndakı baş konsulluğu diplomatik nümayəndəliyə qarşı yönəlmiş vandalizm aktını pisləyib.
Müvafiq bəyanat çərşənbə günü baş konsulluq tərəfindən yayılıb.
“2023-cü il fevralın 22-nə keçən gecə Rusiyanın Bonndakı Baş Konsulluğu vandalizm aktına məruz qalıb. Konsulluğun hasarının xarici tərəfi, məlumat stendi və poçt qutusu səciyyəvi şəkildə qırmızı boya ilə boyanıb”, - bəyanatda bildirilib.
Eyni zamanda, hadisə ilə bağlı alman polisinin dərhal məlumatlandırıldığı vurğulanıb.
Hüquq-mühafizə orqanları məsələ ilə bağlı araşdırmaya başlayıb.
Mənbə: Oxu.Az