Qazaxıstan hakimiyyəti respublikanın ən böyük yataqlarının işlənməsində iştirak edən adları açıqlanmayan Qərb neft-qaz nəhənglərinə qarşı beynəlxalq hüquqi prosedurlara başlayıb.
Məlumata görə, hökumət Kaşaqan yatağının işlənməsi layihəsindəki tərəfdaşlarından təxminən 13 milyard dollar və Qaraçaqanak layihəsindəki tərəfdaşlarından isə təxminən 3,5 milyard dollar vəsaitin dövlət büdcəsinə qaytarılmasını tələb edir. Səlahiyyətlilər israr edirlər ki, şirkətlər 2010-2019-cu illər arasında xərclərini qəsdən şişirdiblər. İddialar həm də tender işlərinin aparılması ilə bağlıdır - onların bəziləri şişirdilmiş qiymətlərlə həyata keçirilib və tam başa çatdırılmayıb.
İşlər üzrə məhkəmə çəkişmələri Cenevrə və Stokholm məhkəmələrində aparılır. Qələbə qazanacağı təqdirdə Qazaxıstan depozitlərin işlənməsindən əldə edilən gəlirin əhəmiyyətli hissəsini xəzinəyə qaytara biləcək.
Respublikanın hakimiyyət nümayəndələri məhkəmə prosesini şərh etməkdən imtina ediblər. Yataqların işlənməsi ilə məşğul olan “North Caspian Operating Company” və “Karachaganak Petroleum Operating BV” konsorsiumları da hər hansı şərh verməyib.
Mənbə: Oxu.Az