Şimali Koreya lideri Kim Çen Inın Koreya Fəhlə Partiyası Mərkəzi Komitəsinin şöbə müdirinin müavini postunu tutan bacısı Kim Yo Çjon KXDR ilə Rusiya arasında silah sövdələşməsinə dair xəbərləri absurd adlandırıb.

“KXDR və Rusiya Federasiyası arasında qərəz və uydurmalarla dolu silah sövdələşmələrinin versiyası ən absurd fərziyyədir”, - deyə o bildirib.

Kim Yo Çjon bu mesajların qiymətləndirmə və şərhlərə belə layiq olmadığını vurğulayıb. O, Qərbin ittihamlarını onların Şimali Koreyanın hərbi güclənməsi ilə bağlı narahatlıqları ilə əlaqələndirib.

Mənbə: REN TV