Gürcüstanda qocalar evində yanğın baş verib.

“Qafqazinfo” “Sputnik Gürcüstan”a istinadən xəbər verir ki, hadisə Mtsxeta-Mtinate rayonunun Muxrani kəndindəki “Muxranis Savane” özəl qocalar evində baş verib.

Nəticədə iki ahıl insan ölüb. Yanğın zamanı daha iki nəfər xəsarət alıb.

Qocalar evinin qalan sakinləri isə müvafiq müayinələrdən keçərək, başqa sığınacaqlara köçürülüblər və onlara bütün lazımi xidmətlər göstərilib.

Hadisə ilə bağlı Gürcüstan Daxili İşlər Nazirliyi araşdırmalara başlayıb.