“General İqor Kirillov və onun köməkçisi planlı şəkildə öldürülüb. O, insanların işə, uşaqların məktəbə və uşaq bağçasına getdiyi bir vaxtda yaşayış binasının yaxınlığında qətlə yetirilib”.

“Qafqazinfo” xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova teleqram kanalında yazıb.

“Təfərrüatları istintaq müəyyən edəcək”, - deyə Zaxarova qeyd edib.

Rusiya XİN rəsmisi terror aktlarını dəstəkləyənləri və onların qarşısında məqsədli şəkildə susanları həmin hadisələrin iştirakçısı adlandırıb.

Xatırladaq ki, Moskvada yaşayış binasında partlayış zamanı rusiyalı general İqor Kirillov və onun köməkçisi İlya Polikarpov həlak olub.