Moskvanın Hərbi Məhkəməsi dələduzluq işi üzrə saxlanılan azərbaycanlı hüquqşünas, sabiq vəkil Elman Paşayevin həbs müddətini daha iki ay uzadıb.

“Qafqazinfo” xəbər verir ki, bu barədə TASS məlumat yayıb.

“E. Paşayevin həbs müddəti mayın 15-dək uzadılıb”, - məlumatda deyilir.

Xatırladaq ki, sabiq vəkil 2024-cü ilin sentyabrında Moskvada saxlanılıb. Rusiya İstintaq Komitəsi Paşayevə qarşı Cinayət Məcəlləsinin 159-cu maddəsinin 4-cü bəndi ilə (xüsusilə külli miqdarda dələduzluq) cinayət işi açıldığını, onun 300 min dollar və 18,5 milyon rubl qarşılığında bloqer Aleksey Blinovski və həyat yoldaşını cinayət təqibindən azad edəcəyinə söz verdiyini bildirib. O, sentyabrın 18-i Moskvada istintaq təcridxanasına göndərilib.