Kamçatkada baş verən zəlzələdən sonra sunami təhlükəsi elan edilib.

“Qafqazinfo” xəbər verir ki, bu barədə Cənubi Saxalin seysmoloji stansiyasının rəisi Yelena Semenova RİA Novosti-yə danışıb. Təhlükə əsasən Şimali Kuril adaları rayonuna aid edilir.

Bundan başqa, ABŞ-nin Okeanlar və Atmosfer araşdırmaları Milli Mərkəzi də sözügedən zəlzələdən sonra mümkün sunami təhlükəsi haqda xəbərdarlıq edib.

Amerikalı seysmoloqların hesablamalarına görə, zəlzələnin maqnitudası 7,5 bal olub.

Qeyd edək ki, son aylarda Kamçatkada tez-tez güclü zəlzələlər müşahidə olunur.