ABŞ və Kanada müasir hava hücumundan müdafiə vasitəsi olan “Qızıl Qübbə” raketdən müdafiə sistemi üzərində birgə əməkdaşlığa başlayır.

“Qafqazinfo” xəbər verir ki, bunu ABŞ Prezidenti Donald Tramp Kanadanın Baş naziri Mark Karni ilə keçirdiyi görüş zamanı deyib.

Tramp bildirib ki, bu layihə təhlükəsizliyin gücləndirilməsi baxımından böyük əhəmiyyət daşıyır:

“Bu, inanılmaz bir sistemdir. Ronald Reyqan dövründə belə bir layihə reallaşdırılmaq istənilirdi, lakin texnologiya kifayət etmirdi. İndi isə imkanlarımız var və Kanada ilə birlikdə bu sistem üzərində işləyəcəyik. Düşünürəm ki, dünyadakı vəziyyəti nəzərə aldıqda belə bir müdafiə sistemi bizim üçün həyati əhəmiyyət daşıyır”, – deyə Tramp vurğulayıb.

Qeyd edək ki, “Qızıl Qübbə” sistemi İsrail tərəfindən hazırlanıb və qısamənzilli raketləri, mərmiləri havada zərərsizləşdirmək üçün nəzərdə tutulub. ABŞ və Kanada bu texnologiyanı öz təhlükəsizlik strategiyalarına uyğun şəkildə inkişaf etdirməyi planlaşdırır.