Venesuela Prezidenti Nikolas Maduro bildirib ki, səlahiyyətlərini dayandırmağa hazır olsa da, bunu ən azı 18 ay sonra edə bilər.

“Qafqazinfo” xəbər verir ki, bu barədə CNN məlumat yayıb.

Qeyd olunub ki, ABŞ rəsmilərinin bir qismi Maduro tərəfindən irəli sürülən bu təklifin ölkədəki siyasi böhrandan çıxış yolu ola biləcəyini nəzərdən keçirib. Lakin Ağ Ev Venesuela liderinin dərhal istefası mövqeyində qalıb.

Nəşrin mənbələrinə görə, Maduro və çevrəsi bir neçə kanalla Ağ Evə müraciət edib və hazırda iki tərəf arasında mümkün əməkdaşlıq formatı müzakirə olunur.

Xatırladaq ki, bu gün ABŞ Prezidenti Donald Tramp Maduroya dərhal istefa vermədiyi təqdirdə güc tətbiqi ehtimalı ilə bağlı xəbərdarlıq etmişdi.