"Volvo" 2020-ci ildən bəri istehsal olunan avtomobillərin informasiya-əyləncə sistemləri üçün proqram təminatı yeniləməsini elan edib.

Oxu.Az Auto.ru-ya istinadən xəbər verir ki, bu, təxminən 2,5 milyon avtomobili əhatə edəcək və onları xeyli müasirləşdirəcək.

Sistem interfeysi ən son modellərə - EX30, EX60 və EX90-a bənzəyəcək. "Google"un "Gemini" süni intellektinə əsaslanan virtual köməkçi mövcud olacaq. O, yalnız standart əmrləri icra etmir, həm də söhbət apara və ya sualları cavablandıra bilir.

"Volvo" şirkəti layihəni dünya tarixindəki ən böyük məsafədən yeniləmələrindən biri adlandırır. Proses miqyasına baxmayaraq, avtomobil sahiblərinin minimal müdaxiləsini tələb edəcək. Onnlar sadəcə internetə qoşulmalı və məsafədən yeniləmələri aktivləşdirməlidirlər.