Britaniyalı ifaçı Viktoriya Bekhemin 2001-ci ildə yazdığı "Not so an Innocent Girl" adlı mahnısı gözlənilmədən ötən həftə Böyük Britaniyada ən çox satılan musiqi parçası olub.

Oxu.Az xəbər verir ki, bu barədə "The Guardian" məlumat yayıb.

Maraq artımı Bekhem ailəsinin böyük oğlu Bruklinin açıqlamalarından sonra yaranan qalmaqala ictimai reaksiya olub.

Belə ki, Bruklin Bekhem valideynləri ilə münaqişəsi barədə danışıb. Buna cavab olaraq, Viktoriyanın fanatları onun ilk solo mahnısını kütləvi şəkildə alaraq ailə münaqişəsində anaya dəstək ifadə ediblər.