Uqanda Silahlı Qüvvələrinin Komandanı general Muhozi Kaineruqaba Kampala dövlətlərarası münasibətlərin daha da gərginləşməsinin qarşısını almaq üçün Türkiyədən 1 milyard dollar, həmçinin ölkənin ən gözəl qadınının ona ərə verilməsini tələb edib.

“Qafqazinfo” xəbər verir ki, bu barədə o, “X” hesabında yazıb.

“Əgər problemlərimiz həll olunmasa, yaxın 30 gün ərzində Türkiyə ilə bütün diplomatik əlaqələri kəsəcəyik. Danışıqlara başlamazdan əvvəl Türkiyədən dərhal 1 milyard dollar təqdim etməsini tələb edirik”, - paylaşımda deyilir.

Sonra o, daha bir paylaşım edərək Türkiyənin “ən gözəl qadınının” ona ərə verilməsini tələb edib, lakin sonradan həmin paylaşımı silib.

Qeyd edək ki, Kaynеruqaba Türkiyəni Somalidə infrastruktur müqavilələrindən, həmçinin bu dövlətin paytaxtı Moqadişo şəhərində limanların və hava limanlarının fəaliyyətindən qazanc əldə etməkdə ittiham edir. Uqanda Afrika İttifaqının missiyaları çərçivəsində Somalidə radikal islamçı “Əş-Şəbab” qruplaşmasına qarşı mübarizə aparır.