Moldova hökuməti yanacaq çatışmazlığı səbəbindən fövqəladə vəziyyət rejimi elan edib.

“Qafqazinfo” xarici mətbuata istinadən xəbər verir ki, fövqəladə vəziyyətin 30 gün müddətinə qüvvədə olacağı bildirilib.

“Biz yüksək hazırlıq rejimini panika yaratmaq üçün deyil, qabaqlayıcı tədbirlər məqsədilə edirik. Belə hallar əvvəllər də olub. Bugünkü tədbirlər kənd təsərrüfatı mövsümündə yanacaq tədarükündə fasilələri minimuma endirməyə yönəldilib”, - Moldovanın Baş naziri Vasili Tofan deyib.

Moldova hakimiyyətinin məlumatına görə, hazırda ölkənin 50 yanacaqdoldurma məntəqəsində dizel yanacağı tükənib ki, bu da ölkədəki bütün YDM-lərinin təxminən 10%-ni təşkil edir. Hakimiyyət yaranmış vəziyyəti Yaxın Şərqdəki gərginlik, həmçinin Dunay çayında suyun səviyyəsinin azalması nəticəsində su nəqliyyatı ilə tədarük imkanlarının aşağı düşməsi ilə izah edib.