Ümummilli Lider Heydər Əliyevin anadan olmasının 100 illiyi ərəfəsində, yaranmasının 5 illiyini qeyd edən Azərbaycan Amputant Futbol Federasiyası (Qarabağ Əlil döyüşçülər Futbol Federasiyası)bu gün keçirilən Dünya Amputant Futbol Federasiyasının növbəti onlayn konfransına qatıldı. Konfransda dünyanın 50 dən çox ölkəsinin Amputant futbol komandalarının rəhbərləri iştirak edirdi. Azərbaycan Amputant Futbol Federasiyası (Qarabağ Əlil döyüşçülər Futbol Federasiyası) 2018 - ci ildə Qarabağ müharibəsi iştirakçısı Rövşən Quliyevin təşəbbüs və təşkilatçılığı ilə yaradılıb. Ümummilli Lider Heydər Əliyevin anadan olmasının 95-ci ildönümünə ithaf olaraq yaradılan konandanın adı "Qarabağ Qaziləri" əlil döyüşçülər adlandırılmış və ətrafına Qarabağ müharibəsində iştirak etmiş, ayağını, qolunu itirmiş, sağlamlıq imkanları məhdud insanları cəlb etmişdir. Komanda ilkin dəstəyini Heydər Əliyev Fondundan, eyni zamanda 1-ci vitse prezident Mehriban xanım Əliyevadan almış və bir-birinin ardınca Türkiyə, Gürcüstan, Rusiya, Ukrayna, Polşa və digər ölkələrdə Amputant Futbol komandaları arasında keçirilən yarışlara qatılmışdır. 2022-ci ildən Dünya Amputant Futbol Federasiyasında ( WAFF) və Avropa Futbol Federasiyasında (EAFF) tanınan Azərbaycan Amputant Futbol Federasiyası (Qarabağ Əlil döyüşçülər Futbol Federasiyası) qatıldığı bu konfransda 2023-2024 cü illər üçün perspektiv planlarını açıqlayır. Bu gün komandanın tərkibində həm də Vətən Müharibəsi iştirakçıları təmsil olunur. Amputant futbol komandalarının yaradılmasında əsas məqsəd sağlamlıq imkanları məhdud insanların sosiallaşması, cəmiyyətə inteqrasiyası, özgüvən qazanması və yararlı vətəndaş olmasını sübut etməkdir. Bu baxımdan amputant futbolu idman növü kimi müharibədə ayağını və qolunu itirmiş müharibə iştirakçılarının sosial və psixoloji durumunun yaxşılaşmasına xidmət edir. Federasiyada ölkəmizdəki komandaların formalaşması prosesinə Vətən Müharibəsi iştirakçılarının cəlb edilməsi istiqamətində nəzərə çarpacaq dərəcədə vacib və əhəmiyyətli işlər həyata keçirilir. Komandada yetişmiş oyunçular müxtəlif turnir və yarışlarda iştirak edib uğur qazanırlar. Dünən Qarabağ müharibəsində Zəfər qazanan döyüşçü, bu gün beynəlxal yarışlarda Azərbaycan himnini səsləndirir. Dövlətimizin, xüsusilə Gənclər və İdman Nazirliyinin Azərbaycan Amputant Futbol Federasiyasına (Qarabağ Əlil döyüşçülər Futbol Federasiyası) diqqət və qayğısı nəticəsində komanda daha böyük uğurlara imza atacaq, dünya ölkələri içərisində adı hər zaman öndə çəkiləcək.