Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçiriləcək “Qadınlara İKT bacarıqlarını aşılamaq, iş axtarmaq imkanlarını genişləndirmək” layihəsi Qusar bölgəsində yaşayan qadınların iştirakı və bəhrələnməsi üçün nəzərdə tutulmuşdur.
Layihə Qusar bölgəsində yaşayan qadınlar üçün məşğulluq imkanlarının genişləndirilməsi və gücləndirilməsi məqsədi ilə qadınların işsizliyini aradan qaldırmağa yönəlmişdir.
Layihə çərçivəsində “Kompyuter bacarıqları” və “CV yazmaq və İş axtarmaq bacarıqlarının öyrədilməsi” təlimlərinin keçirilməsi nəzərdə tutulmuşdur və bu istiqamətdə Qusar rayon Qadın Resurs Mərkəzində qadınlar üçün ödənişsiz kurslar təşkil ediləcək. Təlimlərin sonunda müdavimlərə sertifikat təqdim olunacaq.
Üç ay (01.03.2023-01.06.2023) müddətində həyata keçiriləcək layihədə iştirakçıların təlimlərdə iştirakını nəzərə alaraq qadınlar üçün məşğulluq imkanlarının genişləndirilməsi və gücləndirilməsi, işsizlik hallarının aradan qaldırılmasına dəstək göstəriləciyi planlaşdırılmışdır.
Nəticə olaraq təlimlərdə iştirak edən qadınlar “Kompyuter bacarıqları” üzrə təkmilləşəcək, CV yazmaq, müsahibədə iştirak etmək bacarıqlarından istifadə edərək Qusar rayonu ilə bərabər digər rayon və şəhərlərdə işlə təmin olunması üçün imkanları genişlənəcək, bununla yanaşı özünə inamı və özünə güvəni güclənəcəkdir.