Bu gecə saat 00:01-də Xəzər dənizində baş vermiş zəlzələdən dərhal sonra dəmir yolu infrastrukturuna operativ baxış keçirən “Azərbaycan Dəmir Yolları” QSC-nin Fövqəladə Hallar Komissiyası öz işini yekunlaşdırıb.

Oxu.Az səhmdar cəmiyyətinə istinadən xəbər verir ki, aparılan yoxlamalara əsasən, zəlzələ nəticəsində yol infrastrukturuna ziyan dəyməyib.

Bildirilib ki, hazırda yük və sərnişin qatarları qrafik üzrə hərəkətlərini davam etdirirlər.

07:29

“Azərbaycan Dəmir Yolları” QSC baş vermiş zəlzələ ilə əlaqədar yol infrastrukturuna kompleks baxış keçirir.

Bu barədə Oxu.Az-a Azərbaycan Dəmir Yolları QSC-dən məlumat verilib.

Bildirilib ki, 4 iyul saat 00:01 radələrində Xəzər dənizində baş vermiş zəlzələdən dərhal sonra ADY-nin Fövqəladə Hallar Komissiyası gecə boyu bütün infrastruktur obyektlərinə texniki baxış keçirib:

“Süni mühəndis qurğularının (körpülər, keçidlər, tunellər və s.) vəziyyəti yoxlanılıb. Hazırda proses davam etdirilir.

Yol infrastrukturunda aparılan texniki diaqnostika ilə əlaqədar olaraq qatarların hərəkət sürəti qismən aşağı salınıb, bununla əlaqədar olaraq qatarların qrafikində qismən kənaraçıxma halları müşahidə oluna bilər”.