Rusiya Mərkəzi Seçki Komissiyası (MSK) prezidentliyə namizəd, hazırkı dövlət başçısı Vladimir Putinin əmlakı və gəlirləri barədə məlumat yayıb.

Məlumata görə, Putinin altı il ərzində ümumi gəliri 67 milyon 591 min 875 rubl (750 min ABŞ dolları) təşkil edib. Həmçinin, onun adına Moskvada (153,7 kvadratmetr) və Sankt-Peterburqda (77 kvadratmetr) mənzil, eləcə də qaraj (18 kvadratmetr) və üç avtomobil var.

Habelə, Vladimir Putinin 54 416 604,52 rubl (təxminən 604 min ABŞ dolları) ümumi vəsaiti olan 10 bank hesabına və “PJSC Bank Sankt-Peterburq”un 230 səhminə (bir səhmin nominal dəyəri 11,81 rubl) sahibdir.

Mənbə: 1prime.ru