Üç yaşlı Orxanın yardımsevər şəxslərin dəstəyinə ehtiyacı var.

Bu barədə Oxu.Az-a onun anası Nuranə Hüseynova məlumat verib.

O bildirib ki, övladı hemofiliya (qanın laxtalanma xüsusiyyətinin pozulması ilə xarakterizə olunan irsi xəstəlikdir) xəstəliyindən əziyyət çəkir.

“Orxanın üç yaşı var. Anadangəlmə hemofiliya xəstəliyindən əziyyət çəkir. Xəstəliyini bildiyimiz gündən müalicələrini davam edirik. Həkimlər 14 yaşına qədər davamlı müalicələr almalı olduğunu deyib. Müalicələr üçün aylıq 700-800 manata ehtiyacımız olur”.

Nuranə Hüseynova Orxanın onun yeganə övladı olduğunu deyib.

“Biz Bakıda kirayə yaşayırıq. Orxan mənim yeganə övladımdır. Evdə yalnız yoldaşım işləyir, inanın onun gəliri ilə günlük xərclərimizi güclə qarşılaya bilirik. Mən övladıma görə işləyə bilmirəm. Yardımsevər şəxslərdən övladımı bu yolda tək qoymamağı xahiş edirəm”.

Ailə ilə əlaqə: (055) 679-53-85

Yardım üçün kart nömrəsi: 4169 7388 8626 3296

Bizimlə əlaqə saxlayın