Azərbaycan Respublikasının Gənclər Fondunun gənclər təşkilatları üçün elan etdiyi 17-ci Qrant müsabiqəsinin qalibləri sırasında olan “Gənc Sahibkarların I Şəbəkələşmə Düşərgəsi” 23-25 fevral tarixində Qusar rayonunda həyata keçiriləcəkdir.
“İNFONEWS” – a təşkilatçılat tərəfindən verilən məlumata görə, ölkənin müxtəlif regionlarında yaşayan gənc startapçılar və gənc sahibkarlar üçün müxtəlif mövzuda ustad dərsləri, təlimlər və şəbəkələşmə görüşləri təşkil ediləcəkdir. Həmçinin düşərgənin son günündə gənc sahibkarlar öz məhsul və xidmətlərini digər gənc sahibkarlara təqdim etmək imkanı yaradılacaqdır.
Layihənin məqsədi regionlarda fəaliyyət göstərən 18 – 35 yaşlı gənc sahibkarlar arasında şəbəkələşmənin qurulması, onların bilik və bacarıqlarının artırılmasıdır.
Tags: 17-ci Qrant müsabiqəsi, Azərbaycan Respublikasının Gənclər Fondu, İNFONEWS