Pakistan Müsəlman Liqasının sədri Şahbaz Şərif ölkənin yeni baş naziri seçilib.

Ölkənin Milli Assambleyasında (parlamentin aşağı palatası) səsvermə prosedurunu PTV News yayımlayıb.

Parlamentin aşağı palatasının yeni çağırış 336 deputatından 201-i liqa liderinin lehinə səs verib. Onun Pakistan hökumətinin başçısı postu uğrunda mübarizədəki rəqibi - Milli Assambleyaya müstəqil namizəd kimi daxil olmuş Ədalət Uğrunda Hərəkat Partiyasının baş katibi Ömər Əyyub Xan cəmi 92 səs toplayıb.