Hazırda əsas problemlərdən biri də dövlət hesabına göstərilən hüquqi yardıma görə ödənişin aşağı olmasıdır.

AZƏRTAC xəbər verir ki, bu sözləri Azərbaycan Respublikasının Vəkillər Kollegiyasının sədri Anar Bağırov jurnalistlərə müsahibəsində deyib.

Onun sözlərinə görə, son dəfə bu artım Prezident İlham Əliyevin təşəbbüsü ilə 2018-ci ildə olub: “2018-ci ildən etibarən dövlət tərəfindən göstərilən hüquqi yardım hər saatına görə 6 manat təşkil edir. Məbləği müəyyən edən Nazirlər Kabinetidir. Vəkillik sahəsində 6 il ərzində bu məbləğ hələ də dəyişilməyib. Biz ümid edirik ki, yaxın günlərdə bu məsələ ilə bağlı aidiyyəti qurumlar tərəfindən səmərəli addımlar atılacaq”.