İsrailin müdafiə naziri İsrael Katz HƏMAS-ı hədələyib. O bildirib ki, əgər hərəkat saxladığı israilli girovları azad etməz və İsraili vurmağa davam edərsə İsrail ordusu Qəzza zolağına zərbələr endirəcək


APA xəbər verir ki, "The Times of Israel” qəzetinin yazdığına görə o, bunu Qəzza ilə sərhəddə yerləşən Netivot şəhərinə səfəri zamanı deyib.


"İsrailin Co Baydenin müəyyən etdiyi prinsiplərə uyğun olaraq genişmiqyaslı kompromislərə getməyə hazır olmasına baxmayaraq, əgər HƏMAS Qəzzadakı israilli girovları tezliklə azad etməsə və İsrailin məskunlaşdığı əraziləri atəşə tutmağa davam etsə, o, Qəzzada uzun müddətdir ki, müşahidə olunmayan böyüklükdə zərbələrin şahidi olacaq”, - deyə o bildirib.


Müdafiə naziri həmçinin anklav sakinlərinə müraciət edərək HƏMAS-ı devirməyə çağırıb.