Azərbaycan Respublikasının Prezidenti, Ali Baş Komandan cənab İlham Əliyevin rəhbərliyi ilə 44 Vətən Müharibəsində qazanılan Böyük Zəfər xalqımızın sevincinə səbəb olubdur. Hər bir vətəndaş Böyük Qələbədən ruhlanaraq çalışır ki, Vətən Müharibəsində həlak olan şəhidlərin əziz xatirəsini əbədiləşdirmək məqsədi ilə savab işlər görsünlər.
AVMVİB-nin Binəqədi rayon şöbəsinin sədr müavini, Ağsu rayonu Ərəbuşağı kənd saklni vətən sevdalı İlham Ağayev belələrindən biridir. O, öz müsahibəsində bildirib: Oğlum İlxas Ağayev Vətən torpaqlarımızın müdafiəsində fəal iştirak edib. O, Şəhidlərin-Şahididir. Oğlum məndən xahiş etdi ki, Ərəbuşağı-Ağalarbəyli kəndlərinin giriş yolunda 9 nəfər kənd şəhidlərinin əziz xatirəsinə Zəfər Tağı inşa etdirim. Mən böyük məmnuniyyətlə oğlumun arzusunu yerinə yetirdim. Zəfər Tağının inşasında Ağsu rayon İcra Hakimiyyətinin başçısı cənab Rövşən Bağırov, AVMVİB -nin sədri cənab Füzuli Rzaquliyev, polkovnik Elmar Hüseynov, Mərdan Ələsgərov mənə böyük mənəvi dəstək oldular. Kəndimizin girəcəyindəki Şəhidlər Alleyasında Zəfər Tağı inşa edildi. Şəhidlərin ruhu şad olsun. Mən öz vətəndaşlıq borcumu yerinə yetirdim.

Fərid Faiqoğlu
Xezertv.info-nun rəhbəri