Xezertv.info xəbər verir ki, əsas məqsədi şagirdlərin ətraf mühitlə bağlı məlumatlılığını artırmaq, onları açıq havada fəaliyyətlərinə cəlb edərək fiziki fəallıqlarını artırmaqdan, həmçinin qeyri-formal təhsil və həyatı bacarıqlar istiqamətində bilik və bacarıqlarını artırmaqdan ibarət olan layihə çərçivəsində ilk olaraq məktəbin 5 ibtidai sinif müəllimi seçilib və onlara 12 saatlıq təlim keçirilib. Təlimlər qeyri-formal təhsil və həyati bacarıqlar mövzularında olub.
Daha sonra 20 şagird üçün 16 saatlıq təlim keçirilib. Təlimlər zamanı şagirdlərə ilkin tibbi yardım, qeyri-formal təhsil, səmti müəyyən etmə, çadır qurma kimi mövzular aşılanıb. Təlimlərdən sonra isə 2 günlük düşərgə və 2 gün müddətində muzeylərə səfər təşkil olunub.
Qeyd edək ki, layihə Hacıqabul şəhər İlqar Ələkbərov adına 1 nömrəli tam orta məktəbin təlim - tərniyə işləri üzrə direktor müavini Tərlan Qasımov tərəfindən 4 ay boyunca icra olunub.