Xezertv.info xəbər verir ki, 25 May 2025-ci il tarixində Daşkəsən şəhər Səməd Vurğun adına 4 N-li Orta məktəbin XV-ci buraxılış məzunlarının 50 illik Yubiley görüşü keçirildi. Görüş Mono Liza restoranında təşkil edildi. Görüşdə müəllimlərdən Şamama Nəsibova və Nüsrəddin Əliyev də iştirak etdilər. Tarixi 50 illik görüşün təşkilatçıları Şərəbanı Binnətova, Elxan Cabbarov, Rəfiqə İsmayılova, Nəbi Əliyev, Elmar Hüseynovun gərgin əməyi və səyi nəticəsində Azərbaycan, Türkiyə, Rusiyada yaşayan məzunlar iştirak etdilər.
Görüş Ulu Öndər Heydər Əliyev, Şəhidlər və dünyasını dəyişən müəllim və sinif yoldaşlarının əziz xatirəsini 1 dəqiqəlik yad etməklə başladı. Dövlət himni səsləndirildi.
50 illik Yubileyə həsr edilmiş banerin önündə kollektiv foto çəkildi. Görüş iştirakçılarına xatirə hədiyyələri təqdim edildi.
32 dəqiqəlik video filmdə 1975-ci ildə Daşkəsən şəhər Səməd Vurğun adına 4 saylı orta məktəbin məzunlarının uşaqlıq illəri, gənclik dövrü və bu günkü fotoları nümayiş etdirildi.