Sahibkar İlon Mask ABŞ Prezidenti Donald Trampla münaqişədən sonra "X" sosial şəbəkəsində izləyicilərindən ABŞ-yə yeni siyasi partiyanın lazım olub-olmadığını soruşub.

Oxu.Az xəbər verir ki, bu ideyanı onun sorğusunda iştirak edənlərin 80%-i dəstəkləyib.

Sorğuda 5 630 775 nəfər iştirak edib, onlardan 4 500 000-dən çox respondent bu ideyanı dəstəkləyib.

"Yeni partiyanın yaradılması zərurəti ilə sorğuda iştirak edənlərin 80%-i razılaşıb. Bu, taledir", - deyə Mask yekunlaşdırıb.

Mask və Trampın münasibətləri bu yaxınlarda korlanıb. Milyarder ABŞ prezidentinin "vahid, böyük və gözəl" adlandırdığı federal xərclərin azaldılması haqqında qanun layihəsini kəskin tənqid edib.