Yolda quraşdırılan qurğu sürücülərdə çaşqınlıq yaradıb.

“Qafqazinfo” xəbər verir ki, söhbət Bayraq meydanından Azneft dairəsi istiqamətinə gedən yolda quraşdırılmış qurğudan gedir.

Sürücülər bunun radar və ya təhlükəsizlik kamerası olduğunu düşünürlər.

Hətta bəzi sürücülər bu qurğunun, əsasən təhlükəsizlik kəmərlərini daha dəqiq çəkmək üçün olduğunu bildiriblər.

Bakı Şəhər DYP İdarəsinin bölmə rəisi Toğrul Nəsirli “Qafqazinfo”ya açıqlamasında bildirib ki, bəzi vətəndaşlar tərəfindən radar və ya müşahidə kamerası kimi qiymətləndirilən qurğu əslində yol hərəkəti iştirakçılarının təhlükəsizliyinə xidmət edən texniki vasitədir: “Onun əsas məqsədi nəqliyyat axınına nəzarətin artırılması, sürücülərin davranışının müşahidəsi və ümumilikdə yol hərəkəti qaydalarına əməl olunmasının texniki nəzarət vasitəsilə təmin edilməsidir”.