2025-ci ilin ölkəmizdə “Konstitusiya və Suverenlik İli” ilə bağlı Ağstafa RİH-in Tədbirlər Planına uyğun olaraq Ağstafa şəhərində rayon ağsaqqalları ilə görüş keçirilib.

“Qafqazinfo” xəbər verir ki, RİH başçısı Seymur Orucov giriş nitqində görüşün əhəmiyyətindən söz açıb.

RİH başçısı bildirib ki, hər zaman ağsaqqal və ziyalılara xüsusi ehtiramla yanaşan Ulu Öndər Heydər Əliyevin onlara diqqət və qayğı ənənəsi hazırda Prezident İlham Əliyevin rəhbərliyi ilə layiqincə davam etdirilir. Ölkəmizdə ağsaqqalların ictimai-siyasi fəallığının təmin edilməsi üçün hər cür şərait yaradılıb, onların cəmiyyətin həyatının önəmli məsələlərinin həllində dəyərli töhfələri nəzər alınır.

Seymur Orucov ölkə rəhbərliyinin müvafiq tapşırıq və tövsiyələrinə uyğun olaraq Ağstafa rayonunda görülən işlərdən, o cümlədən əhalinin rifahının yaxşılaşdırılması məqsədilə icra olunan sosial infrastruktur layihələrdən, həyata keçirilən abadlıq-quruculuq işlərindən söz açıb, ağsaqqallardan qeyd olunanlara dair öz fikir və tövsiyələrini bildirməyi xahiş edib.

Görüşdə rayonun ictimai-siyasi və sosial-iqtisadi inkişafına dair icra olunan və icrası nəzərdə tutulan tədbirlər ətrafında fikir mübadiləsi aparılıb, ağsaqqalların təklif və müraciətləri dinlənilib.

Sonda ağsaqqallarla xatirə şəkli çəkdirilib.