Müasir dövrdə təhsil və tərbiyə sahəsinin ən vacib istiqamətlərindən biri məktəbəqədər müəssisələrin inkişafıdır. Çünki uşaqların ilkin bilikləri, ilk vərdişləri və ən əsas da, onların mənəvi-əxlaqi dünyagörüşü bağça illərində formalaşır. Bu baxımdan körpələr evi–uşaq bağçalarının fəaliyyəti yalnız valideynlər üçün rahatlıq yaratmır, həm də gələcəyin sağlam, savadlı və vətənpərvər övladlarının yetişdirilməsində mühüm rol oynayır. Sumqayıt şəhərində yerləşən 45 saylı körpələr evi–uşaq bağçasının müdiri Rumiyyə Məhərrəmova bu missiyanı böyük sevgi, zəhmət və məsuliyyətlə həyata keçirən nümunəvi rəhbərlərdən biridir.
Rumiyyə Məhərrəmova pedaqoji fəaliyyətə başladığı ilk gündən uşaqlara olan xüsusi sevgisi, fədakarlığı və işinə bağlılığı ilə fərqlənib. O, hər zaman təhsilin ən həssas sahəsində – məktəbəqədər mərhələdə işləməyin məsuliyyətini dərindən dərk edib. Çünki bağçaya gələn hər bir körpə onun üçün yalnız bir uşaq deyil, gələcəyin vətəndaşı, Vətənin ümididir. Bu dərin məsuliyyət hissi Rumiyyə xanımı daim işinə daha məsuliyyətlə yanaşmağa, tərbiyəçilərlə birgə yeni-yeni layihələr həyata keçirməyə sövq edib.
Onun rəhbərliyi ilə 45 saylı körpələr evi–uşaq bağçasında yaradılan mühit həm pedaqoji kollektivi, həm də valideynləri məmnun edir. Burada hər şey uşaqların rahatlığı, sağlam böyüməsi və keyfiyyətli təlim-tərbiyə alması üçün düşünülüb. Müasir tələblərə cavab verən dərs otaqları, uşaqların maraqla vaxt keçirə biləcəkləri oyun guşələri, sağlamlıqlarını möhkəmləndirən idman və istirahət meydançaları – bütün bunlar Rumiyyə Məhərrəmovanın uzaqgörən təşkilatçılığının nəticəsidir. O, hər zaman çalışır ki, uşaqlar bağçaya sevə-sevə gəlsinlər, buradan isə yeni biliklərlə, müsbət emosiyalarla ayrılsınlar.
Rumiyyə xanım üçün ən vacib məqam uşaqlara göstərilən diqqət və sevgidir. O, yaxşı bilir ki, bağçada uşaqlara yalnız bilik vermək kifayət deyil. Ən əsası onlara qayğı göstərmək, özünü sevilən və dəyərli hiss etdirməkdir. Bu baxımdan Rumiyyə xanım həm pedaqoqlarına, həm də tərbiyəçilərə daim tapşırır ki, hər bir körpənin daxili dünyasına hörmətlə yanaşsınlar, hər uşağın istedadını, maraqlarını kəşf etməyə çalışsınlar. Onun rəhbərliyi altında çalışan kollektiv də bu prinsiplə işləyir və nəticədə 45 saylı bağça şəhərin nümunəvi məktəbəqədər müəssisələrindən birinə çevrilib.
Rumiyyə Məhərrəmovanın bacarıqlı rəhbərliyi sayəsində bağçada çalışan müəllim və tərbiyəçilər daim inkişafda olur, müasir pedaqoji metodlarla işləməyə həvəsləndirilirlər. Müəllimlər müxtəlif təlimlərdə, seminar və konfranslarda iştirak edir, qazandıqları bilikləri isə gündəlik fəaliyyətlərində tətbiq edirlər. Bu isə uşaqların təlim-tərbiyə prosesinin keyfiyyətini daha da yüksəldir. Beləliklə, Rumiyyə xanım yalnız rəhbər deyil, həm də pedaqoji kollektivin daim irəliləməsi üçün yol açan bir dəstəkçidir.
Valideynlərin etimadını qazanmaq məktəbəqədər təhsil müəssisəsinin uğur göstəricilərindən biridir. 45 saylı bağçada isə valideynlər öz övladlarını böyük inam və rahatlıqla müəllimlərin öhdəsinə buraxırlar. Çünki hər kəs bilir ki, Rumiyyə xanımın rəhbərlik etdiyi bağçada uşaqların təhlükəsizliyi, sağlamlığı və mənəvi inkişafı ən yüksək səviyyədə təmin olunur. Valideynlərin təşəkkür dolu sözləri onun zəhmətinin ən böyük qiymətidir.
Rumiyyə Məhərrəmovanın fəaliyyətində xüsusi diqqət çəkən cəhətlərdən biri də uşaqların vətənpərvərlik ruhunda böyüməsinə göstərdiyi diqqətdir. O, tez-tez bağçada milli bayramlar, dövlət əhəmiyyətli günlər, qəhrəman şəhidlərimizin xatirəsinə həsr olunan tədbirlər təşkil edir. Uşaqlara milli-mənəvi dəyərlər aşılanır, onlara Vətən sevgisi, böyüklərə hörmət, kiçiklərə qayğı kimi ali keyfiyyətlər öyrədilir. Beləliklə, bağçada tərbiyə olunan körpələr yalnız bilikli deyil, həm də milli ruhlu böyüyürlər.
Rumiyyə xanım öz fəaliyyətində sosial həssas qruplardan olan ailələrin övladlarına da xüsusi qayğı ilə yanaşır. O, dəfələrlə şəhid və qazi ailələrinin uşaqlarının qayğı ilə əhatə olunması, onların hər hansı çətinliklərinin aradan qaldırılması istiqamətində təşəbbüslər göstərib. Bu yanaşma onun insanpərvərliyini və pedaqoji fədakarlığını bir daha təsdiqləyir.
Rumiyyə Məhərrəmovanın adı bu gün Sumqayıtda məktəbəqədər təhsil sahəsində uğurla çəkilir. Onun peşəkarlığı, təşkilatçılıq qabiliyyəti, uşaqlara olan sonsuz sevgisi və pedaqoji fədakarlığı sayəsində 45 saylı körpələr evi–uşaq bağçası nümunəvi bir müəssisəyə çevrilib. Rumiyyə xanımın əsas uğuru isə körpələrin üzündəki təbəssüm, onların bağçaya gəlməkdən duyduqları sevincdir.
Əminliklə demək olar ki, Rumiyyə Məhərrəmova kimi fədakar rəhbərlər məktəbəqədər təhsilin inkişafında, gələcək nəsillərin sağlam və savadlı böyüməsində əvəzsiz xidmət göstərirlər. Onun zəhməti isə həm kollektiv, həm valideynlər, həm də cəmiyyət tərəfindən yüksək qiymətləndirilir. Rumiyyə xanım – əsl pedaqoq, bacarıqlı rəhbər və körpələrin sevimlisi olaraq hər kəsin hörmətini qazanıb