Azərbaycanın tanınmış teleaparıcısı Nuranə Axundova Beyləqan rayonuna səfəri çərçivəsində Vətən uğrunda qəhrəmancasına şəhid olmuş Məmmədov Emin Vətən oğlunun ailəsini ziyarət edib. Bu ziyarət həm şəhid ailəsinə mənəvi dayaq olmaq, həm də onların qəlbində yaşayan qürur və kədəri bölüşmək məqsədi daşıyıb.
Görüş zamanı Nuranə Axundova şəhidin valideynləri ilə səmimi söhbət edib, onların ehtiyac və arzularını dinləyib. O, qeyd edib ki, Azərbaycanın müstəqilliyi, torpaqlarımızın azadlığı şəhidlərin qanı və qəhrəmanlığı sayəsində təmin olunub. Bu ailələr dövlətin və xalqın daim diqqət mərkəzində olmalıdır.
Şəhid Emin Məmmədovun ailə üzvləri də Nuranə xanımın bu diqqət və qayğısına görə ona təşəkkürlərini bildiriblər. Onlar qeyd ediblər ki, belə ziyarətlər onlara böyük mənəvi güc verir və övladlarının qəhrəmanlığının unudulmadığını bir daha göstərir.
Nuranə Axundovanın bu addımı cəmiyyətdə şəhid ailələrinə hörmət və ehtiram hissinin daha da güclənməsinə nümunə oldu.