08 noyabr 2025-ci il tarixdə Masallı Rayon İcra Hakimiyyətinin və 11 saylı Regional Meşə Təsərrüfatı Mərkəzinin birgə təşkilatçılığı ilə 8 Noyabr – Zəfər Günü münasibətilə rayonun Hüseynhacılı kəndində ağacəkmə aksiyası təşkil olunub.
Tədbirdə Masallı Rayon İcra Hakimiyyətinin başçısı Araz Əhmədov, RİHB aparatının əməkdaşları, ərazi nümayəndələri, bələdiyyə sədrləri, idarə, müəssisə və təşkilat rəhbərləri, eləcə də media nümayəndələri iştirak ediblər.
Zəfər Gününə həsr olunmuş aksiyada ümumilikdə 1100 ədəd müxtəlif növ ağac əkilib. Bu təşəbbüs təbiətin qorunması və yaşıllıqların artırılması ilə yanaşı, xalqımızın böyük Qələbəsinin rəmzi olaraq, Vətən sevgisinin ifadəsi kimi dəyərləndirilir.