Azərbaycanın yeni nəsil mühəndisləri arasında öz dəsti-xətti, peşəkarlığı və beynəlxalq arenada qazandığı nüfuzla seçilən Hüseyn Eynalzadə həm şəxsi nailiyyətləri, həm də ölkənin adını dünyada layiqincə təmsil etməsi ilə tanınır. Dövlətə və Prezidentə sədaqət ənənəsi onun ailəsində nəsildən-nəslə ötürülür: babası Hüseyn Eynalov, atası Nazim Eynallı bu prinsiplərini fəaliyyətlərində daim nümayiş etdiriblər. Hüseyn də bu dəyərləri həm təhsilində, həm də peşəkar fəaliyyətində davam etdirir.

Hüseyn Eynalzadə tələbəlik illərindən Azərbaycanı xaricdə fəal şəkildə təmsil edən gənclərdən biridir. O, Leyla Əliyevanın sədri olduğu Rusiya Azərbaycanlı Gənclər Təşkilatının (RAGT) üzvü kimi müxtəlif konfrans və forumlarda çıxış etmiş, universitetdə təşkilatın maraqlarını layiqincə təmsil etmişdir.
Hüseyn həmçinin RAGT xətti ilə Rusiyada keçirilən beynəlxalq festivallarda iştirak edib, milli Novruz şənliklərinin təşkilində fəal rol oynayıb və Azərbaycan mədəniyyətinin təşviqinə töhfə verib.

Azərbaycanda anadan olan Hüseyn orta təhsilini Rusiyada başa vurub, daha sonra isə Rusiyanın ən nüfuzlu neft-qaz ali təhsil müəssisələrindən biri olan Tyumen Neft-Qaz Universitetində təhsil alıb. O, universiteti qırmızı diplomla bitirərək həm akademik bilikləri, həm də mühəndislik bacarıqları ilə tələbə yoldaşlarından fərqlənib.

Hüseynin peşəkar fəaliyyəti dünyanın ən böyük enerji xidmət şirkətlərindən olan Schlumberger-də başlayıb. Burada Managed Pressure Drilling Supervisor/Engineer kimi çalışaraq yüksək riskli, mürəkkəb geoloji şəraitlərdə ən yeni texnologiyaların tətbiqinə rəhbərlik edib.
Onun peşəkarlığı və analitik düşüncəsi Hüseynə Rusiya, Kolumbiya, Azərbaycan və Səudiyyə Ərəbistanı kimi müxtəlif regionlarda beynəlxalq komandalarla əməkdaşlıq etmək imkanı yaradıb.

Daha sonra o, SOCAR-ın Bakıdakı strukturlarında və dünya miqyasında tanınan Weatherford şirkətində fəaliyyətini davam etdirərək Səudiyyə Ərəbistanında yarım ildən artıq mühüm layihələrdə iştirak edib. Bu təcrübələr ona mühəndislik risklərinin idarə olunması, mürəkkəb quyuların qazılması və ən yeni texnoloji həllərin tətbiqi istiqamətində dərin biliklər qazandırıb.

Hüseyn Eynalzadənin fərqləndirən əsas xüsusiyyətlərindən biri də topladığı beynəlxalq təcrübəni Azərbaycan gəncləri ilə bölüşmək istəyi və bu istiqamətdə etdiyi davamlı fəaliyyətidir. O, universitetlərdə keçirilən görüşlərdə müasir qazma texnologiyalarından, real layihələrdən və yeni nəsil mühəndisləri gözləyən çağırışlardan danışır, tələbələrin inkişafına motivasiya verir.

Onunla çalışan həmkarlar Hüseynin məsuliyyətli, analitik təfəkkürlü, çətin situasiyalarda tez və düzgün qərar verən bir mühəndis olduğunu bildirirlər. Qazma proseslərinə innovativ yanaşması, təhlükəsizliyi prioritetə çevirməsi və multikultural mühitə asan adaptasiyası onu Azərbaycan mühəndisliyinin yeni nəsil nümayəndələrinin ön sıralarına çıxarır.

Bu gün Hüseyn Eynalzadə öz inkişafını davam etdirir, ən müasir texnologiyaları izləyir və onları hasilat proseslərinə tətbiq etməyə çalışır. Onun həyat devizi dəyişməzdir: öyrənmək, tətbiq etmək və öyrətdiklərini gələcək nəsillə bölüşmək.

Qısa desək, Hüseyn Eynalzadə istedadı, zəhməti və müasir mühəndislik düşüncəsi ilə Azərbaycanın beynəlxalq enerji arenasında yüksələn simasıdır.




www.AzadMedia.az