Bu gün Azərbaycanda idman sahəsində əldə olunan uğurlar ardıcıl dövlət siyasətinin, yüksək diqqət və qayğının real nəticəsidir. İdmanın inkişafı, gənclərin sağlam və vətənpərvər ruhda yetişdirilməsi ölkə rəhbərliyinin daim diqqət mərkəzindədir və bu istiqamətdə görülən işlər konkret nailiyyətlərlə özünü göstərir.
İdman sahəsində formalaşan bu sistemli və məqsədyönlü yanaşmada Azərbaycan Respublikasının Birinci vitse-prezidenti Mehriban xanım Əliyevanın köməkçisi Yusif Məmmədəliyevin xidmətləri xüsusi qeyd olunmalıdır. Onun idmana göstərdiyi diqqət, təşəbbüskarlıq və məsuliyyətli mövqeyi idman mühitində peşəkarlığın güclənməsinə, koordinasiyalı fəaliyyətin qurulmasına və sağlam idarəetmə mexanizmlərinin formalaşmasına mühüm töhfə verir.
Xüsusilə vurğulanmalıdır ki, beynəlxalq arenada əldə olunan uğurlar bu dövlət qayğısının bariz nəticəsidir. Azərbaycan Respublikasının Prezidenti cənab İlham Əliyevin nəvəsi Əminə Əliyevanın İtaliyada keçirilən Dünya Çempionatında çempion olması Azərbaycan idmanının gücünü, gəncliyimizin potensialını və milli ruhunu bütün dünyaya nümayiş etdirmişdir. Bu qələbə həm də Azərbaycanda idmana göstərilən diqqətin, düzgün qurulmuş strategiyanın və davamlı dəstəyin təntənəsidir.
Eyni zamanda idman sahəsinin inkişafında ictimai və şəxsi təşəbbüslər də mühüm rol oynayır. Emin Ağalarovun idmana göstərdiyi diqqət, təşəbbüs və qayğı bu sahənin daha da canlanmasına, idmanın cəmiyyət həyatında daha geniş yer tutmasına əlavə stimul verir.
Bütün bu proseslərin mərkəzində isə Azərbaycan Respublikasının Birinci vitse-prezidenti Mehriban xanım Əliyevanın idman və gənclər sahəsinə göstərdiyi xüsusi diqqət və qayğı dayanır. Onun himayəsi altında həyata keçirilən layihələr Azərbaycan idmanının beynəlxalq nüfuzunun artmasında, gənclərin sağlam və məqsədyönlü formalaşmasında mühüm rol oynayır.
Məhz bu yüksək dövlət diqqəti və etimad fonunda Arhd.Az saytının rəhbəri, hüquq eksperti, hüquq üzrə fəlsəfə doktoru İsmail Zalov Oktay oğlunun Azərbaycan Respublikası Çin Döyüş Növləri Assosiasiyası – Konq-Fu Federasiyasına hüquq eksperti vəzifəsinə rəsmi təyinat alması xüsusi əhəmiyyət daşıyır. Bu təyinat hüquq, idarəçilik və idman sahələrinin bir nöqtədə vəhdət tapmasının real nümunəsidir.
İsmail Zalov müsahibə zamanı bildirib ki, bu etimadı böyük məsuliyyət kimi qəbul edir və fəaliyyətini məhz bu prinsiplər üzərində qurur. O qeyd edib ki, Arhd.Az saytının rəhbəri və hüquq üzrə fəlsəfə doktoru kimi geniş iş yükünə baxmayaraq, bu heç vaxt onun Vətəninə və dövlətinə xidmət etməsinə mane olmayıb. Əksinə, bütün fəaliyyəti boyunca əsas məqsədi Azərbaycanı layiqincə təmsil etmək olub.
O həmçinin vurğulayıb ki, federasiyanın əsas fəaliyyət istiqamətlərindən biri idman sahəsində dövlət qurumları ilə sıx əlaqələrin qurulmasıdır. Bu baxımdan Gənclər və İdman naziri cənab Fərid Qayıbov ilə xüsusi dostluq və əməkdaşlıq münasibətlərinin inkişafı Konq-Fu Federasiyasının prioritet istiqamətlərindən biridir və bu əməkdaşlıq federasiyanın davamlı inkişafına xidmət edəcəkdir.
Müsahibənin sonunda İsmail Zalov xüsusi olaraq qeyd edib:
“Bundan sonra da çalışacağam ki, xüsusilə Avropada Azərbaycan idmanını, eyni zamanda dövlətimizi layiqincə təmsil edim. Bu, mənim üçün həm peşəkar, həm də vətəndaşlıq borcudur.”
İsmail Zalovun sözlərinə görə, Bakı şəhərinin 2026-cı il üçün Dünya İdman Paytaxtı elan edilməsi Azərbaycan idmanına olan beynəlxalq etimadın göstəricisidir.

“Arhd.Az” saytının Türkiyə üzrə rəsmi nümayəndəsi Hüquqşünas, Yazıçı