Azərbaycanın yol-nəqliyyat infrastrukturunun inkişafı ölkənin sosial-iqtisadi tərəqqisinin əsas sütunlarından biridir. Bu sahədə çalışan peşəkar kadrların fəaliyyəti isə təkcə asfalt və körpülərlə ölçülmür – burada dövlətə sədaqət, xalqa xidmət, məsuliyyət və vətənpərvərlik əsas meyarlardır. Məhz bu keyfiyyətləri özündə birləşdirən rəhbərlərdən biri də “1 №-li Xüsusi Təyinatlı Yol İstismarı” MMC-nin direktoru Etibar Kərimovdur.
Etibar Kərimov uzun illərdir yol təsərrüfatı sahəsində səmərəli fəaliyyəti, işinə ciddi yanaşması və kollektivinə tələbkarlığı ilə seçilən rəhbər kimi tanınır. Onun rəhbərliyi altında “1 №-li Xüsusi Təyinatlı Yol İstismarı” MMC yalnız texniki göstəriciləri ilə deyil, həm də sosial məsuliyyət prinsiplərinə sadiqliyi ilə nümunə göstərilən müəssisələrdən birinə çevrilib. Direktor olaraq Etibar Kərimov hər zaman dövlət tapşırıqlarının vaxtında və keyfiyyətlə icrasını prioritet hesab edir, yol infrastrukturunun təhlükəsizliyini və dayanıqlığını əsas məqsəd kimi qarşıya qoyur.
Məlumdur ki, müasir Azərbaycanın inkişaf strategiyasının təməlində Ulu Öndər Heydər Əliyevin müəyyənləşdirdiyi uzaqgörən siyasi xətt dayanır. Bu siyasət bu gün Ulu Öndərin layiqli davamçısı, Prezident cənab İlham Əliyev tərəfindən uğurla davam etdirilir. Prezident İlham Əliyevin rəhbərliyi ilə ölkəmizdə yol-nəqliyyat infrastrukturu sahəsində misilsiz layihələr həyata keçirilmiş, regionlararası əlaqələr gücləndirilmiş, kənd və qəsəbələrin mərkəzlərlə inteqrasiyası təmin olunmuşdur. Etibar Kərimov da məhz bu dövlət siyasətinə sadiq qalaraq, üzərinə düşən vəzifələri yüksək məsuliyyətlə yerinə yetirən rəhbərlər sırasındadır.
“1 №-li Xüsusi Təyinatlı Yol İstismarı” MMC-nin fəaliyyətində Prezident İlham Əliyevin “insan amili hər şeydən üstündür” prinsipinin aydın şəkildə hiss olunması təsadüfi deyil. Yol istismarı kimi çətin və riskli sahədə çalışan işçilərin təhlükəsizliyi, sosial təminatı və əməyinin düzgün qiymətləndirilməsi Etibar Kərimovun daim diqqət mərkəzindədir. O, kollektivlə səmimi münasibət qurmağı, problemləri yerində dinləməyi və operativ həll etməyi bacaran rəhbərdir.
Azərbaycan yol təsərrüfatının sistemli şəkildə inkişafında Azərbaycan Avtomobil Yolları Dövlət Agentliyinin idarə heyətinin sədri Saleh Məmmədovun da böyük xidmətləri vardır. Saleh Məmmədovun rəhbərliyi ilə Agentlik yol infrastrukturunun yenilənməsi, beynəlxalq standartlara uyğunlaşdırılması və müasir texnologiyaların tətbiqi istiqamətində mühüm addımlar atmışdır. Etibar Kərimov bu ümumi strategiyanın icrasında fəal iştirak edir, Agentliyin tapşırıqlarını dəqiqliklə və vaxtında icra etməklə etimadı doğruldur.
Etibar Kərimovun fəaliyyətində xüsusi yer tutan məsələlərdən biri də şəhid ailələrinə və müharibə veteranlarına göstərilən diqqət və qayğıdır. O, Vətən uğrunda canını fəda etmiş qəhrəmanların ailələrinə, sağlamlığını itirmiş qazilərə dövlətin və cəmiyyətin mənəvi borcu olduğunu hər zaman vurğulayır. Bu baxımdan, Etibar Kərimovun təşəbbüsü və dəstəyi ilə müxtəlif sosial yardımlar həyata keçirilir, şəhid ailələri və veteranlar daim diqqətdə saxlanılır. Bu yanaşma onun təkcə rəhbər deyil, həm də yüksək mənəvi dəyərlərə malik vətəndaş olduğunu göstərir.
Onun rəhbərlik üslubu şəffaflıq, prinsipiallıq və qanunauyğunluq üzərində qurulub. Etibar Kərimov üçün vəzifə sadəcə bir status deyil, xalqa və dövlətə xidmət missiyasıdır. Yol istismarı sahəsində qarşıya çıxan çətinliklərə baxmayaraq, o, hər zaman operativ qərarlar qəbul edir, texniki heyətin peşəkarlığını artırmağa xüsusi önəm verir və yeni texnologiyaların tətbiqinə açıqdır.
Bu gün “1 №-li Xüsusi Təyinatlı Yol İstismarı” MMC-nin fəaliyyətinə nəzər saldıqda aydın olur ki, burada görülən işlər ölkənin ümumi inkişaf strategiyasının tərkib hissəsidir. Magistral və xüsusi təyinatlı yolların istismarı, onların ilboyu təhlükəsiz vəziyyətdə saxlanılması, fövqəladə hallara operativ reaksiya – bütün bunlar Etibar Kərimovun rəhbərliyi altında sistemli və ardıcıl şəkildə həyata keçirilir.
Demək olar ki, Etibar Kərimov dövlətə sədaqəti, işinə məsuliyyətli yanaşması, sosial həssaslığı və vətənpərvər mövqeyi ilə seçilən rəhbərdir. O, Ulu Öndər Heydər Əliyevin müəyyənləşdirdiyi siyasi xəttə, Prezident cənab İlham Əliyevin inkişaf strategiyasına və Azərbaycan Avtomobil Yolları Dövlət Agentliyinin sədri Saleh Məmmədovun idarəçilik prinsiplərinə sadiq qalaraq, üzərinə düşən vəzifəni ləyaqətlə yerinə yetirir. Etibar Kərimovun fəaliyyəti bir daha sübut edir ki, peşəkar rəhbərlərin əməli işi ölkənin dayanıqlı inkişafının ən etibarlı təminatıdır.

Şamil Cəfər
AYB və AJB-nin üzvü
"Qızıl Qələm" mükafatçısı