“Sky Sports”un jurnalisti Rob Harris FIFA prezidenti Canni İnfantinonun aldığı maaşın həcmini açıqlayıb.

Onun sözlərinə görə, FIFA rəhbəri 2023-cü ildə yenidən qurumun prezidenti seçildikdən sonra daha çox məvacib almağa başlayıb. Onun illik 1,99 milyon avroluq maaşı 33% artırılaraq 2,69 milyon avroya yüksəlib. İnfantino həmçinin qadınlar arasında dünya çempionatının təşkilinə görə 1,93 milyon avro məbləğində bonus alıb. Beləliklə də, İnfantinonun ötənilki ümumi gəliri 4,21 milyon avro olub.

Qeyd edək ki, futbol funksioneri 2016-cı il fevralın 26-dan FIFA prezidenti vəzifəsini icra edir. Onun hazırkı müddəti 2027-ci ilə qədərdir. İnfantino FIFA-ya rəhbər keçməzdən əvvəl Beynəlxalq İdman Araşdırmaları Mərkəzinin (CIES) baş katibi vəzifəsində çalışıb.