Bu gün Bakıda güləş üzrə U-23 Avropa çempionatı start götürəcək.

“Qafqazinfo” xəbər verir ki, Bakı İdman Sarayında təşkil olunacaq yarışda ilk olaraq yunan-Roma güləşçiləri xalça üzərinə çıxacaqlar.

Azərbaycan təmsilçilərindən Rəşad Məmmədov (55 kq), Ziya Babaşov (63 kq), Həsən Həsənli (77 kq), Laçın Vəliyev (87 kq) və Sərxan Məmmədov (130 kq) mübarizə aparacaq.
Turnir saat 10:30-da başlayacaq.

Qeyd edək ki, U-23 Avropa çempionatı mayın 24-də yekunlaşacaq.