Portuqaliya millisinin və “Əl-Nəsr” klubunun hücumçusu Kriştiano Ronaldo “Barselona”nın 17 yaşlı futbolçusu Lamin Yamal haqqında danışıb.

“Qafqazinfo” bu barədə xarici mətbuata istinadən xəbər verir.

“Mən Lamin Yamalda böyük istedad görürəm. Əgər onun qarşısına hansısa problem çıxmasa, nəslinin ən yaxşı futbolçulardan biri olacaq”, - deyə ulduz forvard vurğulayıb.

Qeyd edək ki, bu mövsüm ərzində Yamal 5 oyunda meydana çıxıb, 3 qol və 4 məhsuldar ötürmə ilə yadda qalıb. Yamalın “Barselona” ilə hazırkı əmək müqaviləsi 2026-cı ilin yayına qədər nəzərdə tutulub. Transfermarkt portalı futbolçunun transfer dəyərini 120 milyon avro qiymətləndirir.

Xatırladaq ki, Yamal İspaniya millisinin heyətində Avropa çempionu olub.