İspaniya La Liqasında 19-cu turun oyunu keçirilib.

“Qafqazinfo” xəbər verir ki, “Barselona” bu turda “Malyorka”nın qonağı olub.

Görüş Kataloniya təmsilçisinin 5:1 hesablı qələbəsi ilə başa çatıb.

“Barselona”nın heyətində Ferran Torres, Frenki de Yonq, Pau Viktor hərəyə bir qol vurublar, Rafinya isə dubla imza atıb. “Malyorka”nın yeganə qolunu hücumçu Vedat Muriki vurub.

Qeyd edək ki, hazırda turnir cədvəlinə 37 xalla (16 oyuna) “Barselona” liderlik edir. “Real Madrid” 33 xalla 2-ci, “Atletiko” isə 32 xalla 3-cüdür. “Malyorka” isə 24 xalla 6-cı yerdə qərarlaşıb.