“Mançester Siti”nin baş məşqçisi Pep Qvardiola komandasının Çempionlar Liqasının əsas mərhələsinin 6-cı turunda “Yuventus”la oyunda (0:2) məğlubiyyətini şərh edib.

“Qafqazinfo” BBC-yə istinadən xəbər verir ki, Pep oyun haqqında bunları deyib:

“Bu gün çox inamlı görünürdük. Əvvəlki matçlardan fərqli olaraq, daha az top itirdik və lazımi mövqeləri tutduq. Bununla belə, həmişə dərin və yığcam oynayan İtaliya komandalarına qarşı oynamaq asan deyil. “Yuventus” həmişə yüksək səviyyəli komanda olub və belə də qalır. Rəqibi təbrik edirəm.

Bundan əlavə, qapımızın yaxınlığında təhlükəli anlara yol verdik, lakin mən oyunçularımla səmimi olaraq fəxr edirəm. Əminəm ki, onlar əllərindən gələni etdilər. Ümid edirəm ki, yaxşı nəticələrlə gedişatı dəyişə bilərik”.

Qvardiola məşqçilik karyerasında ilk dəfə Çempionlar Liqasının qrup və ya liqa mərhələsində ardıcıl üç matçda qalib gələ bilməyib.

Qeyd edək ki, “Mançester Siti” Çempionlar Liqasının cədvəlində 22-ci yerdədir.