Bu gün UEFA Çempionlar Liqasında 1/8 final mərhələsinə yekun vurulub.

“Qafqazinfo” xəbər verir ki, ikinci oyun günündə daha dörd matç baş tutub.

“Atletiko” evdə “Real”la, “Lill” “Borussiya” ilə üz-üzə gəlib. PSV səfərdə “Arsenal”ın, “Brügge” isə “Aston Villa”nın qonağı olub.

Bu matçlarda növbəti mərhələyə “Real”, “Borussiya”, “Arsenal” və “Aston Villa” adlayıb.

UEFA Çempionlar Liqası

1/8 final, cavab görüşləri

“Lill” (Fransa) - “Borussiya” (Dortmund, Almaniya) – 1:2 (İlk oyun - 1:1)

“Atletiko” (İspaniya) - “Real” (İspaniya) - 1:0 (Penal – 3:4( (İlk oyun - 1:2)

“Arsenal” (İngiltərə) - PSV (Niderland) – 2:2 (İlk oyun - 7:1)

“Aston Villa” (İngiltərə) - “Brügge” (Belçika) - 3:0 (İlk oyun - 3:1)

Bundan əvvəl “Barselona”, “PSJ”, “İnter” və “Bavariya” da 1/4 finala vəsiqə qazanıblar.

Qeyd edək ki, 1/4 final mərhələsinin ilk oyunları aprelin 8-9-da, cavab görüşləri isə 15-16-da keçiriləcək.